الجزء التاني من : اضحك محدش واخد منها حاجه

محشش جابوة للقاضي قاله لو قولت لى 10 حاجات بتعملها من ساعة متصحي لحد ما تنام بتبدأ بحرف الألف هسيبك
قاله المسطول : اجيبها ، احرقها ، افرطها ، الفها ، اولعها ، اعمرها ، امخمخ ، انسطل ، اطفيها ، وأنام .

مرة اتنين صعايدة ماششين في الصحرا طلع عليهم اسد راح الأول رمي علي الأسد طوبة وطلع يجرىىىىىىى وبص وراه لقي التاني واقف مكانه قاله مبتجريش ليه قاله وأجرى ليه وأنا الى رميت الطوبة .

مجنون ومجنونه كانوا ماشيين جمب بيسين في مستشفي المجانين ،فالمجنون رمي نفسه في الميا وامجنونه أنقذته،
جاه الدكتور تاني يوم للمجنونه وقال لها عندي ليكي خبرين واحد حلو وواحد وحش الحلو انتي خفيتي والوحش صديقك المجنون شنق نفسه ، قالت له لأ دي أنا كنت معلقاه عشان ينشف ..

واحد غبي راكب مع أبوه العربية ابوه قاله اقفل الشباك يا واد الجو برد ، الواد قاله أما انت عليك تقاليع هو يعني لما اقفل الشباك الدنيا بره هتحرر؟؟

مرة واحد صعيدى اتخانق مع أبوه فساب له البيت ومشي ، أبوة قاله رايح فين مردش عليه، وقام موقف تاكسي وركب ، السواق بيقول له رايح علي فين ، قاله إذا كان مقولتش لأبويا هقولك انت .

مرة واحد صعيدي ماشي في الشارع ومعاه شويه مسامير وقع منه واحد ، قعد ينده عليه ويقوله تعالي مفيش فايدة ومجاش اخر ما زهق رمي شوية مسامير وقالهم هاتوه .

مرة واحد صعيدي وغبي مش عايز يروح المدرسه ، أبوه قاله مش عايز تروح المدرسة ليه ؟
قاله أصل الأستاذ بيقولى انت غبي ومبتفهمش ، قاله طيب أنا هاجي معاك وأشوف الأستاذ بيقولك كده ليه
راح معاه وسئل الأستاذ انت بتقول للواد انت غبي ومبتفهمش ليه ؟
قاله انا هثبت لك ان ابنك غبي ،
قال للواد روح شوفني في مكتب الناظر
راح الواد وجه قاله ملقيتكش في مكتب الناظر
أبو الواد قاله ملقيتوش في مكتب الناظر دور عليه في الحوش أما انت غبي صحيح .

واحد صعيدي سمع عن الموبايل قال لأبوه اشتريلى موبايل يا أبا ، قاله هشتريلك بس بشرط
قاله ايه ؟
قاله تركب أخواتك معاك .

واحد صعيدى عينوه مدير لملجأ الأيتام أول قرار أخده
اجتماع لأولياء الأمور.

» اضحك محدش واخد منها حاجة !!!!
» حد يقول حاجه للمجلس الخايب ده هيودينا فى داهيه
» اضحك من قلبك
» اللى عايزة شعرها يبقة جميل تدخل علشان محدش يقر على حد ههههههه