كوني مثقفــة

موضوع: كوني مثقفــة الجمعة 07 أكتوبر 2011, 10:36 pm

الثقافة شئ مهم وضروري جدًا في حياتنا ويعتبر أقصر الطرق نحو النجاح في كل شئ

لابد يكون معاكي سلاح المعرفة، عشان يكون عندك فهم و وعي كامل لكل جوانب الحياة

والمثقفين مش بس فئة معينة في المجتمع، كل فئات المجتمع لازم تبحث وتطلع وتقرأ ويكون عندها ثقافة

والبنت أو المرأة بتشكل أهم فئات المجتمع ده، مينفعش تكون جزء منفصل عنه

والبنت الواعية لازم تثقف نفسها وتحصنها من التيارات المختلفة اللي عايزة تنال منها

والوعي والثقافة هي أفضل وسيلة تحمي نفسها بيها من الناس اللي عايزين يدمروها

فالبثقافة شخصيتك بتتكون وتخليكي تقدري تاخدي أي قرار يناسبك، أحسن ما
تكون متفقة مع أي حد كلامه يعجبك ويفوقك تفكيرك بغض النظر يناسبك أو لأ

مينفعش الجزء المسئول عن تربية المجتمع وترشيده يكون مش واعي، مينفعش تكوني في مجلس وسط أصحابك وإنتي مش فاهمة بيتكلموا في إيه

ودي بعض الوسائل اللي ممكن تساعدك في تحصيل العلم والثقافة:

- لازم من دلوقتي تكبري جواكي إرادة قوية وعزيمة وهدف إنك تكوني إمرأة واعية، لأن الإيمان بالشئ بيكون حافز قوي جدًا لتحقيقه.

- إتعلمي كيفية إستثمار الوقت، وتقسيمه بحيث تحسي إنك فعلاً عملتي كل حاجة
إنتي عيزاها، أفضل من إنك تحسي إن في حاجات كتيرة ملحقتيش تعمليها.

- أستعيني بمصادر الثقافة المتنوعة زي الكتب أو المحاضرات المصورة والبرامج التلفزيونية الهادفة او حلقات علم في المسجد.

- لازم تتعلمي لغة جديدة، ولو كل يوم تحفظي كلمة واحدة بس من مفرادتها.

- اللي بيشتكي من ضعف ذاكرته، لازم يعرف إن الذاكرة مطاطية كل ما بتضيف فيها حاجة بتتسع.

- إجعلي حد أدني لكِ كل يوم لا تقلي عنه، مثلاً كـقراءة لمدة 15 دقيقة، حتي في عز إنشغالك اليومي لابد من الوقت ده للقراءة.

- لازم تصحي بدري وتستغلي وقتك وتدوني أفكار جديدة، وتعملي حاجات بتحبيها وطبعًا مافيش فيها معصية لله سبحانه وتعالي.

- عند الزيارات للأهل والأصحاب لازم تخلقي جو ثقافي وتبادل للمعلومات، اي
شئ اتعلمتيه جديد تتكلمي عنه بالتالي أي حد اتعلم حاجة جديدة هيقولها وده
هيزود رصيدك المعرفي أفضل من الكلام التافه في أشياء تافهه.

- قبل
النوم لازم كل بنت تسأل نفسها ياتري عايزة اليوم ده يتكرر تاني؟ أيه اللي
أنجزتيه اليوم ده؟ عايزه تعملي نفس اللي عملتيه اليوم ده بس بشكل مختلف؟.

- قيمي نفسك كل يوم، وراقبي نفسك كويس وهتشوفي النتيجة الطيبة بإذن الله.

عدد المساهمات : 213 تاريخ التسجيل : 17/04/2011

ميرسىاختى/

حلو كتير

ميرسى على مجهودك
كوني مثقفــة 3856250453

شكرا لمرورك اختى الغالية منى

لاتحرمينا من ردودك

» كوني الفتاه الكل يتمناها